उकडीचे मोदक / Ukadiche Modak / Steamed Modak
Ukadiche modak is a sweet dumpling very much popular in Maharashtra and south India. Modak can be fried or steamed. Ukadiche Modak is a marathi word which means "Steamed modak". The filling is made of fresh coconut and jaggery, the cover is made of Rice flour.
Modak has a special importance in the worship of the Hindu elephant god, Ganesh. Modak is believed to be his favorite food and Ganesh worship ceremony pooja concludes with offering of 21 modaks to the deity.
साहित्य
- तांदळाचे पिठ
- एक नारळ
- खसखस
- गूळ
- हळदीची ४ - ५ पाने
- वेलचीपूड
- तेल
- मीठ
- सारण बनवण्यासाठी एक अख्खा नारळ किसून घ्यावा. जितक्या वाट्या किसलेला नारळ असेल त्याचा निमपट गुळ किसून घ्यावा. पातेल्यात किसलेला नारळ, खसखस आणि गुळ मंद आचेवर ढवळत राहणे.
- गुळ पुर्ण वितळू देणे आणि त्यातील पाणी पूर्ण सुकले की वेलचीपूड घालावी आणि ढवळुन बाजूला ठेऊन देणे.
- पातेल्यात २ कप पाणी उकळत ठेवावे. त्यात चवीपुरते मीठ घालावे. गॅस बारीक करून त्यात पीठ घालावे आणि ढवळावे व झाकण ठेऊन गॅस बंद करावा. ५–१० मिनिटे झाकण ठेऊन द्यावे.
- परातीमध्ये ही उकड काढून घ्यावी आणि ती व्यवस्थित मळून घ्यावी.
- उकड मळताना ती घट्ट वाटत असेल तर थोडं पाणी घालून मळावी.
- उकड व्यवस्थित मळून झाली कि सुपारीपेक्षा थोडे मोठे गोळे तयार करून त्याची पारी तयार करावी.
- त्यात एका चमचाभर सारण भरून बोटाने पारीच्या चुण्या कराव्यात.
- आणि सर्व चुण्या एकत्र करून मोदक बंद करावा.
- पातेल्यात एक तांबा पाणी घेणे त्यावर स्टीलची किंवा अॅल्युमिनियमची चाळणी ठेवावी. त्यावर हळदीची पाने लावावी नंतर त्यात मोदक ठेवणे. मोदक एकावर एक ठेऊ नये. त्यामुळे मोदक फुटण्याची शक्यता असते. मोदक जेवढे मावतील तेवढेच ठेवावेत. मोदकांवर हळदीची पाने ठेवावीत आणि त्यावर झाकण (ताट किंवा तवा) ठेवावा. गॅस लावून १२-१५ मिनिटे वाफ काढावी.
टीप
- मोदक हळदीच्या पानात वाफवल्यास स्वाद चांगला येतो.
- हळदीची पाने उपलब्ध नसल्यास केळीची पाने किंवा स्वच्छ धुतलेला सूती कापड तुम्ही ठेऊ शकता.
- उकडीचा गोळा बनवताना हाताला थोडे तेल लावून माळवी त्यामुळे तुमच्या हाताला पीठ चिकटणार नाही.
- तांदळाच्या पिठाची उकड करण्यासाठी जितक्या वाट्या पीठ घ्याल तेवढ्या वाट्या पाणी घ्यावे.
