अळूचं फदफदं / अळूची भाजी / अळूची पातळ भाजी

अळूचं फदफदं / अळूची भाजी / अळूची पातळ भाजी 

अळूची भाजी ही महाराष्ट्रातील पारंपारिक पदार्थ आहे . हि भाजी पावसाच्या सीजन मध्ये भेटते. अळूमध्ये खूप चांगले गुणधर्म आहेत. A व  C हे व्हिटॅमिन यामध्ये आहेत.

साहित्य : 

• १०ते १५ देठासहित भाजीच्या अळूची पाने 
• ३ ते ४ टेस्पून शेंगदाणे
•  १  वाटी मक्याचे दाणे 
• २ - ३ कोकम 
• २ टेस्पून मसाला
• १/२ टेस्पून हळद
• २-३लसणीचा पाकळ्या 
• किसलेले खोबरे
• हिरवी मिरची
• चवीपुरते मीठ 

कृती: 

1.  प्रेशर कुकरमध्ये शेंगदाणा मक्याचे दाणे ३ किंवा ४ शिट्ट्या करून शिजवून घ्यावे. 
2.  अळूची पाने धुवून घ्यावी. देठं वेगळी काढावीत आणि सोलून घ्यावीत. नंतर पानं बारीक चिरून घ्यावी.  देठंही चिरून घ्यावीत. 
3. अळूची चिरलेली पाने शिजवून घ्यावीत आणि नंतर त्यात शेंगदाणा आणि मक्याचे दाणे टाकावेत.
4. कढईत तेल टाकून लसणीचा पाकळ्या टाकून परतून घ्यावे. मसाला आणि हळद घालावे 
5. नंतर त्यात शिजवलेलं अळू आणि प्रेशर कुकर मधून शिजवलेले मक्याचे दाणे आणि शेंगदाणा त्यात टाकावा.
6. किसलेल खोबरे व हिरवी मिरचीचे बारीक वाटप करुन ते त्यामध्ये घालावे
7. कोकम त्यात टाकणे आणि चवीपुरतं मीठ घालावे.
8. गरजेनुसार थोडे पाणी घालावे. (भाजी पळीवाढी करावी, प्रचंड घट्टही नको आणि पातळही नको.) उकळी काढावी. गरमागरम भाताबरोबर किंवा भाकरीबरोबर सर्व्ह करावे. 

टीप:

• भाजीला मसाले आणि आंबटपणा थोडा पुढे असल्यास भाजी लज्जतदार लागते.
• अळू चिरताना हाताला खाज आल्यास हाताला कोकम कुस्करून लावावे त्याने हाताला खाज यायची बंद होते. 
• या भाजीत फणसाच्या आठ्या किव्हा  मक्याचं कणीस उकडून घालू शकता.
• कच्या खोबऱ्याचा वाटपाऐवजी भाजलेल्या कांदा खोबऱ्याचे वाटप घालू शकता.